ജില്ലാ രൂപരേഖ

കേരളത്തിന്‍റെ സാംസ്കാരിക തലസ്ഥാനം എന്നറിയപ്പെടുന്ന തൃശ്ശൂര്‍  സംസ്ഥാനത്തിന്‍റെ മദ്ധ്യഭാഗത്ത് സ്ഥിതി ചെയ്യുന്നു.  ജില്ല 1949 ജൂലായ് 1-നാണ് രൂപീകൃതമായത്. ജില്ലയെ സംബന്ധിച്ച ഒരു ചെറു വിവരണം താഴെ ചേര്‍ക്കുന്നു.

അടിസ്ഥാന വിവരങ്ങള്‍

ഭരണനിര്‍വഹണം (എണ്ണത്തില്‍)

അതിര്‍ത്തികള്‍

അക്ഷാംശവും രേഖാംശവും

മണ്ഡലങ്ങള്‍

എം.പി മാരുടെയും എം.എല്‍.എ. മാരുടെയും വിവരങ്ങള്‍

പ്രധാനപ്പെട്ട സ്ഥാപനങ്ങള്‍

വ്യാപാരം/വ്യവസായങ്ങള്‍/ബാങ്കിംഗ്

രാജ്യത്തെ പ്രമുഖ ബാങ്കിംഗ്, ധനകാര്യ വാണിജ്യ സ്ഥാപനങ്ങളുടെ കേന്ദ്രമാണ് തൃശ്ശൂര്‍.  സൗത്ത് ഇന്ത്യന്‍ ബാങ്ക്, ധനലക്ഷ്മി ബാങ്ക്, കാത്തലിക് സിറിയന്‍ ബാങ്ക്, കേരള സ്റ്റേറ്റ് ഫിനാന്‍ഷ്യല്‍ എന്‍റര്‍പ്രൈസസ് (കെ.എസ്.എഫ്.ഇ.) എന്നിവയുടെ ആസ്ഥാന മന്ദിരങ്ങള്‍ സ്ഥിതി ചെയ്യുന്നത് തൃശ്ശൂരാണ്.  കൂടാതെ ഇസാഫ് സ്മോള്‍ ഫിനാന്‍സ് ബാങ്ക്, മണപ്പുറം ഫിനാന്‍സ്, കല്യാണ്‍, ആലൂക്കാസ് എന്നീ സ്ഥാപനങ്ങളുടെയും ആസ്ഥാനം തൃശ്ശൂരാണ്. 

പ്രധാനപ്പെട്ട പ്രോജക്ടുകള്‍/നിര്‍വഹണം നടന്നുകൊണ്ടിരിക്കുന്ന പ്രോജക്ടുകള്‍

1. പ്രധാനപ്പെട്ട പദ്ധതി - പുഗലൂര്‍ മാടക്കത്തറ പവര്‍ ട്രാന്‍സ്മിഷന്‍ ലൈന്‍
തമിഴ്നാട്ടിലെ പുഗളൂര്‍ എന്ന സ്ഥലത്ത് നിന്ന് 2000  മെഗാവാട്ട് വൈദ്യുതി തൃശ്ശൂരിലെ  മാടക്കത്തറയിലേക്ക് എത്തിക്കുന്നതാണ് ഈ പദ്ധതി. റായ്ഗഡ് നിന്ന് പുഗളൂരിലേക്കുള്ള 6000 മെഗാവാട്ട് വൈദ്യുതി  പ്രസരണ ശൃഖലയുടെ തുടര്‍ച്ചയായാണ് ഈ പദ്ധതി രൂപീകരിച്ചിട്ടുള്ളത്.  ഈ ആവശ്യത്തിനായി ഹൈ വോള്‍ട്ടേജ് ഡയറക്ട് കറന്‍റ് (എച്ച്.വി.ഡി.സി) ലൈന്‍ സ്ഥാപിക്കുകയാണ് ചെയ്യുന്നത്.  പ്രസരണ നഷ്ടം കുറച്ച് ചത്തീസ്ഗഡിലെ റായ്ഗഡില്‍ നിന്ന്  ആവശ്യമായ വൈദ്യുതി സംസ്ഥാനത്തേക്ക് എത്തിക്കുന്ന ബൃഹത്തായ പദ്ധതിയാണിത്.  ഈ പദ്ധതി 2024 ല്‍ പൂര്‍ത്തിയാകുന്നതോടെ സംസ്ഥാനത്തെ പ്രസരണ ശൃംഖല 400 കെ.വി സംവിധാനത്തിലേക്ക് ഉയര്‍ത്തുവാന്‍ സാധിക്കുമെന്ന് പ്രതീക്ഷിക്കുന്നു.  ട്രാന്‍സ്ഗിഡ് 2.0 ല്‍ ഉള്‍പ്പെട്ട ഈ പദ്ധതിയ്ക്ക് കിഫ്ബി വഴിയാണ് തുക കണ്ടെത്തുന്നത്.

2. നിര്‍വഹണം നടന്നുകൊണ്ടിരിക്കുന്ന പ്രോജക്ട് - കുതിരാന്‍ ടണല്‍
തൃശ്ശൂര്‍ -പാലക്കാട് റൂട്ടില്‍ നിര്‍മ്മാണം നടന്നുകൊണ്ടിരിക്കുന്ന തുരങ്കപാതയാണ് കുതിരാന്‍ ടണല്‍. സംസ്ഥാനത്ത് ആദ്യമായി ആരംഭിക്കുന്ന തുരങ്കപാതയാണിത്.  കൊച്ചി- കോയമ്പത്തൂര്‍ റൂട്ടിലെ ദൂരം കുറവ് വരുത്തുന്ന ഈ തുരങ്കപാത പാലക്കാട് തൃശ്ശൂര്‍ റൂട്ടിലെ കുതിരാന്‍ പ്രദേശത്തെ ഗതാഗത കുരുക്ക് ഒഴിവാക്കുന്നതിനും ഉപകരിക്കുന്നു.