ജില്ലാ രൂപരേഖ

  1949 ജൂലൈ 1 നാണ് കൊല്ലം ജില്ല ആദ്യമായി  രൂപീകരിച്ചത്.  1956 നവംബർ 1 ന്  പുതിയതായി രൂപീകരിച്ച കേരള സംസ്ഥാനത്തിലെ ഒരു ജില്ലയായി മാറി. 1957 ല്‍ കൊല്ലം ജില്ലയിലെ ചേർത്തല, അമ്പലപ്പുഴ, മാവേലിക്കര, കാർത്തികപ്പള്ളി, ചെങ്ങന്നൂർ, തിരുവല്ല എന്നീ താലൂക്കുകൾ ലയിപ്പിച്ചാണ് ആലപ്പുഴ ജില്ല രൂപീകരിച്ചത്. കൊല്ലം ജില്ലയിലെ കുന്നത്തൂർ താലുക്കിന്റെ ഒമ്പത് വില്ലേജുകൾ  1982 ല്‍ പത്തനംതിട്ട ജില്ലയില്‍ ലയിപ്പിച്ചു. 
            കൊല്ലം ജില്ലയുടെ അക്ഷാംശവും രേഖാംശവും യഥാക്രമം 8.99 N0 ഉം 76.87 E0 ആണ്.  ജില്ലയുടെ അതിരുകള്‍ വടക്ക് ആലപ്പുഴ ജില്ല, വടക്ക് കിഴക്ക് പത്തനംതിട്ട ജില്ല, കിഴക്ക് തിരുനെല്‍വേലി, തെക്ക് തിരുവനന്തപുരം ജില്ല, പടിഞ്ഞാറ് അറബിക്കടല്‍ എന്ന ക്രമത്തിലാണ്. 

ജനസംഖ്യാപരമായ കണക്കുകള്‍

ഭരണ സംവിധാനം
                 ജില്ലയെ 3 താലൂക്കുകള്‍ വീതമുള്ള 2 റവന്യൂ ഡിവിഷനുകളായി വിഭജിച്ചിരിക്കുന്നു.  ഇതില്‍ ആകെ 104 വില്ലേജുകളുണ്ട്. 

തദ്ദേശ സ്വയംഭരണ സ്ഥാപനങ്ങള്‍

 ഭൂമിശാസ്ത്രം
      കേരളത്തിന്റെ തെക്കുപടിഞ്ഞാറൻ തീരത്താണ് കൊല്ലം ജില്ല സ്ഥിതി ചെയ്യുന്നത്. ജില്ലയുടെ വിസ്തീർണ്ണം 2491 ചതുരശ്ര കിലോമീറ്ററാണ്, ഇത് സംസ്ഥാനത്തിന്റെ മൊത്തം വിസ്തൃതിയുടെ 6.48 ശതമാനം ആണ്. ജില്ലയുടെ തീരദേശ ദൈർഘ്യം 37.84 കിലോമീറ്ററാണ്. ജില്ലയുടെ മൊത്തം വിസ്തൃതിയുടെ മൂന്നിലൊന്ന് വനമേഖലയാണ്.
         ഭൂമിശാസ്ത്രപരമായി ജില്ലയെ മൂന്നായി തിരിക്കാം – ഉയര്‍ന്ന പ്രദേശം, സമതലം, താഴ്ന്ന പ്രദേശം. കരുനാഗപ്പള്ളി താലൂക്കും കൊല്ലം താലൂക്കും ഭാഗികമായി സമതലം/താഴ്ന്ന പ്രദേശങ്ങളിൽ ഉള്‍പ്പെട്ടിരിക്കുന്നു. കുന്നത്തുര്‍, കൊട്ടാരക്കര താലൂക്കുകൾ പൂർണ്ണമായും  സമതല പ്രദേശത്താണ് സ്ഥിതിചെയ്യുന്നത്. എന്നാല്‍ പത്തനാപുരം, പുനലൂർ താലുക്കുകള്‍   ഉയർന്ന പ്രദേശത്താണ് സ്ഥിതിചെയ്യുന്നത്.

ചരിത്രം

    കേരളത്തിലെ ഏറ്റവും പഴക്കം ചെന്ന കടൽ തുറമുഖ പട്ടണങ്ങളിലൊന്നായ കൊല്ലം (പഴയ ക്വയിലോൺ) ഫീനീഷ്യരുടെയും റോമാക്കാരുടെയും കാലം മുതൽ വാണിജ്യ പ്രശസ്തി നേടിയിരുന്നു. ദേശിംഗനാട് രാജാവിന്റെ ഭരണകാലത്ത് കൊല്ലത്ത് ചൈനീസ് കുടിയേറ്റങ്ങള്‍ അഭിവൃദ്ധിപ്പെട്ടു. 1502-ൽ യൂറോപ്യന്മാരായ പോര്‍ച്ചുഗീസുകാരാണ് ആദ്യമായി കൊല്ലത്ത് ഒരു വ്യാപാര കേന്ദ്രം സ്ഥാപിച്ചത്,  തുടര്‍ന്ന് 1661 -ൽ ഡച്ചുകാരും 1795-ൽ ബ്രിട്ടീഷുകാരും.

കാര്‍ഷിക മേഖല
                ആകെ ഭൂവിസ്തൃതിയായ 2,48,788 ഹെക്ടറില്‍  81,438 ഹെക്ടറും വനപ്രദേശമാണ്.  മൊത്തം കൃഷി വിസ്തൃതി 1,41,576 ഹെക്ടര്‍ ആണ്. ജില്ലയില്‍ കൃഷി ചെയ്യുന്ന പ്രധാനപ്പെട്ട വിളകള്‍ ചുവടെ ചേര്‍ക്കുന്നു. .

അവലംബം – ജില്ലാ പദ്ധതി 201 8
മത്സ്യമേഖല
                  37.8   കിലോമീറ്റര്‍ തീരപ്രദേശവും 27 സമുദ്ര മത്സ്യ ബന്ധന വില്ലേജുകളും 26 ഉള്‍നാടന്‍ മത്സ്യബന്ധന വില്ലേജുകളും ഉള്‍പ്പെട്ടതാണ് കൊല്ലം ജില്ല. മത്സ്യ മേഖലയിലെ ജനസംഖ്യ 129314 ആണ്. അതില്‍ സമുദ്ര മത്സ്യ മേഖലയിലെ ജനസംഖ്യ 94419 ഉം ഉള്‍നാടന്‍‍ മത്സ്യ മേഖലയിലെ ജനസംഖ്യ 34895 ആണ്. സംസ്ഥാനത്തെ മൊത്തം മത്സ്യ ഉത്പാദനത്തില്‍ ഒന്നാം സ്ഥാനം കൊല്ലം ജില്ലയ്ക്കാണ്.

വ്യവസായ മേഖല
               
ധാതു ലവണങ്ങളാല്‍ സമ്പുഷ്ടമായ കൊല്ലം ജില്ലയില്‍, കടലോരമണ്ണ്, ഇല്‍മനൈറ്റ്, ബോക്സൈറ്റ്, മോണോസൈറ്റ് എന്നീ ധാതുക്കളുടെ ശേഖരമാണ് പ്രധാനമായും കണ്ടുവരുന്നത്. അഷ്ടമുടികായലിന്റെ തീരങ്ങളില്‍ ചുണ്ണാമ്പ് കല്ല് നിക്ഷേപവും കാണപ്പെടുന്നു.
കശുവണ്ടി വ്യവസായത്തിന് പ്രസിദ്ധമാണ് കൊല്ലം ജില്ല.  അനേകം കശുവണ്ടി സംസ്കരണ ശാലകളും ജില്ലയിലുണ്ട്. കേരള സര്‍ക്കാര്‍ സ്ഥാപനമായ കേരള കശുവണ്ടി വികസന കോര്‍പ്പറേഷന്‍ ലിമിറ്റഡിന്റെ ആസ്ഥാനം കൊല്ലം ജില്ലയാണ്. ഇത് കശുവണ്ടി വ്യവസായവുമായി ബന്ധപ്പെട്ട നോഡല്‍ ഏജന്‍സിയാണ്. ഈ മേഖലയിലെ മറ്റൊരു പ്രധാനപ്പെട്ട സര്‍ക്കാര്‍ സ്ഥാപനമായ കാപ്പെക്സ് സഹകരണ മേഖലയുടെ ഭാഗമാണ്.  ജില്ലയില്‍ 151 കശുവണ്ടി ഫാക്ടറികള്‍ ഉള്ളതില്‍ 27 എണ്ണം സര്‍ക്കാര്‍ ഉടമസ്ഥതിയിലും 10 എണ്ണം കാപെക്സിന്റെ ഉടമസ്ഥതയിലുമാണ്. പ്രധാന വ്യവസായങ്ങൾ / വ്യവസായ സ്ഥാപനങ്ങൾ

• ടെക്നോപാർക്ക്, കുണ്ടറ
• കേരള മിനറൽസ് ആൻഡ് മെറ്റൽസ് ലിമിറ്റഡ്, ചവറ
• ഇന്ത്യൻ റെയര്‍ എർത്ത് ലിമിറ്റഡ്, ചവറ
• കേരള യുണൈറ്റഡ് ഇലക്ട്രിക്കൽസ്
• കേരള ഇലക്ട്രിക്കൽ ആൻഡ് അലൈഡ് എഞ്ചിനീയറിംഗ് ലിമിറ്റഡ്, കുണ്ടറ
• കേരള സെറാമിക്സ്, കുണ്ടറ
• കോ -ഓപ്പറേറ്റീവ് സ്പിന്നിംഗ് മിൽ, ചാത്തനൂർ
• കേരള ഫീഡ്സ്, കരുനാഗപ്പള്ളി

ഗതാഗത മേഖല
      ജില്ലയെ സംസ്ഥാനപാതകൾ, ദേശീയപാതകൾ (എൻ‌എച്ച് 66, എൻ‌എച്ച് 183, എൻ‌എച്ച് 744), ഗ്രാമീണ റോഡുകൾ, റെയിൽ ശൃംഖല എന്നിവയിലൂടെ കേരളത്തിലെയും ഇന്ത്യയിലെയും മറ്റ് ഭാഗങ്ങളുമായി ബന്ധിപ്പിച്ചിരിക്കുന്നു.

ജലാശയങ്ങൾ
    

  
                 അവലംബം: ജില്ലാ പദ്ധതി - 2018

ലോക് സഭാ മണ്ഡലവും പ്രതിനിധികളും
                  ജില്ലയില്‍‍  11 അസംബ്ലി മണ്ഡലങ്ങള്‍ ഉള്‍പ്പെടുന്ന 3 ലോകസഭ മണ്ഡലങ്ങളാണുള്ളത്.

നിയമസഭമണ്ഡലവും പ്രതിനിധികളും

വിദ്യാഭ്യാസ മേഖല
                തിരുവനന്തപുരത്ത് 1834 ല്‍ ഒരു പ്രീസ്കൂള്‍ സ്ഥാപിച്ചതിനോടൊപ്പം തന്നെ കൊല്ലം ജില്ലയിലും ഒരു ജില്ലാ സ്കൂള്‍ ആരംഭിച്ചു.1885 ല്‍ തങ്കശ്ശേരിയില്‍ മൌണ്ട് കാര്‍മ്മല്‍ ആംഗ്ലോ ഇന്ത്യന്‍ ഗേള്‍സ് സ്കൂള്‍ ആരംഭിച്ചതോടു കൂടി ഇംഗ്ളീഷ് വിദ്യാഭ്യാസത്തിന് ജില്ലയില്‍ തുടക്കമായി.

ഉന്നത വിദ്യാഭ്യാസം

    അവലംബം : ജില്ലാ പദ്ധതി 2018
ആരോഗ്യ മേഖല
ജില്ലയിലെ ആരോഗ്യ സൌകര്യങ്ങള്‍

അവലംബം – ജില്ലാ പദ്ധതി 201 8 & Health at a glance 2018 by DHS